මුතු කුමරියේ

වැහි බිංදු සීතලෙන් හිනාවී ගෙන        එබෙයි
මුතු කුඩේ අතින් ගෙන එකලාව එනු පෙනෙයි
සුදු රෝස මල් ගවුම ඔබට හරි හැඩ    වගෙයි
මුතු කුමාරිය මගේ ඔබට මම          ආදරෙයි

වහින වැස්සට ඔබේ දෙපා සේදී        තෙමෙයි
සීතලට ඔය දෙපා හිරි වැටේදෝ          සිතෙයි
සුළඟ ඇවිදින් නටා ඔබට හිරිහැර          කරයි
ලංව එය වලකන්න ඉඩ නොදේ දෝ      බයයි

දින ගනන් සති ගනන් ගතව කාලය     ගෙවෙයි
එකම එක වරක් වත් හිනැහුනේ නෑ        තමයි
කල්ප කාලයක් තව ඔබ පතාගෙන          හිඳියි
දුරක සිට ඔබට පෙම් කරන කුමරා          මමයි