"ආකාස ජීවන"

සීතල
දැනෙන හිරි පොද මැද
මගෙ මල් කුඩේ යට
ඉන්නවා නම් ඔබ
කොයිතරම් සතුටක්
දැනේවිද මට

ගුගුරන අහස මැද
කැළඹෙන වැසි වලාවක්
වගෙයි නම් මගෙ සිත
ක්ෂනිකව අඳුර බිඳිමින්
විදුලියක් වී මේ ලෙස
සිනාසෙන්නේ ඇයි ඔබ

හිමිදිරිය ‍රැය දහවල
නෙක නෙක පාට ගන්වන
දිදුලන හඬන වැලපෙන
ගොරවන රවන කැළඹෙන
ආකාසය වගේ මයි
ජීවිතය දළුලා යන

අන්ධකාරය ඇවිදින්
ජීවිතය උකසට ගෙන
කඳුළු වැසි ගෙනෙනා කළ
ඉන්නවානම් ඔබ
මා හා සිනාසී ගෙන
මගෙ මල් කුඩේ යට
කොයි තරම් සුන්දර වෙද
ජීවිතය මේ කර්කශ