"පරම නිවහන වෙතට"

මම මගේ නිවහනෙන්
පිටව ගොස් බොහෝ කල්
මග හසර නොම දැනම
අයාලේ පාවෙමින්
අතරමග නැවතුනෙමි
නාඳුනන මට නුහුරු
නවාතැන් පොළවල්හි

උරුම මනු සතුන් හට
නේක ව්‍යුහයන් තුල
ගැලී පැටලී නිතින
සෙවූයෙම් වෙද සතුට
ශෝක පරිදේව මිස
කිසිත් නැත උරුම උන
හති වැටී යලි යලිත්
අතරමං වුනා මිස

ඇතුලාන්තය නගන
හඬ ඇසෙයි පැහැදිලිව
හැරෙන්නට කාලයයි
නැවත නිවහන වෙතට
මම ඔබද
ඔබ මමද
කිසිත් වෙනසක් නොමැති
නිහඩතාවය පිරුනු
මගේ නිවහන වෙතට