"ප්‍රහේලිකාව"

සීගිරි කුරු‍ටු ගීයක්
වගේ යැයි ඔබ සිතමින්
කියවා ගනු පිණිස
අනේ වෙහෙසුන තරමක්

අනුරපුර ඉපැරණි
සෙල් ලිපියකැයි සිතමින්
එහි අරුත් සොයනට
කලෙමි නොතරම් වෙහෙසක්

ගැට පද විවරනය
ඇසුරු කොට විසඳන්නට
තුන් තේරවිල්ලක්
වුනිද ?... නැත ඔබ එහෙමත්

ඒ කිසිවක්ම නොව
ඊටත් ගැඹුරු පැටලිලි
දිනෙන් දින පෙන්වන
දකිමි ඔබ මෙලෙසින් මම

හරස් පදයකි ඔබ
නෙක නෙක අරුත් ගෙන දෙන
ඉතින් කෙලෙසින් මා
ඔබව තේරුම් ගන්නද