ඔබට "ඔබ" හමුවී

කිසියම්ම දිනකදී
අහම්බෙන් මෙන් ඔබට
ආත්මික සිරුර තුල
"ඔබව" මුණ ගැසේවී

ඔබ සිතන සිතුම් හා
පැතුම් පිරිවරා ගත්
හදවතෙහි ඡායාව
එයම බව හැඟේවී

සිරුර හා ඉන් එපිට
බැඳුනු සීමා තොරව
ඡායාව දකින සඳ
තිගැස්මක් දැනේවී

පලා යායුතුද ඉන්
නවතිනුද කෙලෙසකින්
විපිලිසර ඔබේ හිත
වල්මත්ව හිඳීවී

දැනෙන බිය වැළඳ ගෙන
පලා ගිය හොත් එයින්
තනිකමේ ඝනඳුරෙන්
යලිත් ඔබ වෙලේවී

නැවතිලා මොහොතකට
‍රැඳී සිටියොත් ඉතින්
ප්‍රමෝදයෙ ප්‍රහර්ෂය
සිත වෙලා ගනීවී