"කියන් මට"

ලෙච්චමී මං  කඳවුරේ බිම
ඉන්න හිස් බැල්මෙන්
කම්බි වැට ලඟ  දරු පැටව් ටික
තවම සාගින්නෙන්

යුද්දෙ ඉවරලු සාමිනේ
වෙඩි හඬ ඇහෙන්නෑ දැන්
යුද්දයක මගෙ හිත තවම
ගිනි ගින්දරක් මැද්දෙන්

ඉන්න ගෙපැලක් ලැබී
කූඩාරමෙන් යා හැකි නම්
දරු පැටව් හාමතේ නොතබමි
අත් දෙකේ හයියෙන්

ජීවිතේ අත් දෙකින් අරගෙන
ගින්දරක් මැද්දෙන්
ආවෙ පුදුමාතලන් පසුකර
දෙපා වල හයියෙන්

නින්ද යන් නෑ තුන් යමේ මට
කන්ද සාමිනි දැන්
මං ලඟින් සිටි මගේ අත්වැල
බින්දෙ මොන හිතකින්

අනේ පින් ඇති මහතුනේ
මේ ගින්දරේ නිවමින්
මෙන්න වැන්දා කියන් මට මගෙ
සින්න සාමි කොයි ???